LIGJET E BIZNESIT
Pas 4 vitesh e gjysmë në Torino, Mario Madzukic vendosi të largohej nga Juventus për të firmosur me ekipin e Al Duhail në Katar.
Në një postim lamtumire në rrjetet sociale, Mandzukic ka theksuar se muajt e fundit nuk e ndryshojnë respektin dhe dashurinë për klubin.
“Është e pamundur t’i mbledh këto katër vite e gjysmë në një mirupafshim të thjeshtë. Por, shpresoj ta keni parë pasionin tim për këtë klub dhe këtë skuadër në çdo ndeshje që kam luajtur për Juventusin. Falenderoj trajnerin Alegri dhe Marotën që më dëshironin në Torino. Ishte një privilegj të luaja për Juventusin dhe këto muajt e fundit nuk e ndryshojnë respektin dhe dashurinë për klubin. Falenderoj shokët që kam pasur në këto sezone. Kam vlerësuar çdo betejë me ju dhe kemi fituar një pjesë të madhe të këtyre betejave.Nuk do harroj trofetë e fituar, fryt i kualiteteve tona, punës dhe shpirtit të skuadrës. Falenderimi më i madh për tifozët që janë arsyeja e vërtetë pse klubi është kaq i madh dhe fitues. E kam vlerësuar prej ditës së parë të gjithë mbështetjen. Duke e mbyllur, kam kërkuar gjithnjë të jap maksimumin për ngjyrat bardhezi. Ju uroj më të mirat, dhe për mua është koha e një tjetër kapitulli” u shpreh Mandzukic.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
