LIGJET E BIZNESIT
Ambasadori i Bashkimit Europian në Tiranë, Luigi Soreca e ka nisur ditën e sotme me një lajm të mirë për të gjithë shqiptarët.
Teksa ka publikuar mëngjesin e sotëm rezultatet e mbledhjes së Këshillit Europian të zhvilluar ditën e djeshme, Soreca shprehet se Bashkimi Europian është në solidaritet me Shqipërinë pas tërmetit tragjik të 26 nëntorit.
Gjithashtu ai shton se Këshilli Europian e ka mirëpritur njoftimin e Komisionit për të ofruar ndihmë humanitare dhe është gati që të organizojë një konferencë të donatorëve për të mbledhur fondet për familjet e prekura e në nevojë.
“Përfundimet e Këshillit Europian të 12 dhjetorit 2019: “Bashkimi Evropian qëndron në solidaritet me Shqipërinë pas tërmetit të fundit. Këshilli Evropian mirëpret njoftimin e Komisionit për të ofruar ndihmë humanitare dhe për të organizuar një konferencë të donatorëve ” shkruan Luigi Soreca.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
