LIGJET E BIZNESIT
Një ngjarje e rëndë ka ndodhur në kryeqytet, ku një karburant në zonën e Kombinatit është përfshirë nga flakët.
Menjëherë pas ngjarjes forca të shumta zjarrëfikëse kanë mbërritur në vendin e ngjarjes ku po punojnë për shuarjen e flakëve.
Dyshohet se shkak i zjarrit është një defekt teknik në sistemin e gazit që përdorej për furnizimin e automjeteve. Sipas informacioneve nuk ka asnjë të lënduar.
Njoftimi i policisë
“Rreth orës 18:46 në rrugën “Llazi Miho”, në një karburant, ka shpërthyer dhe ka marrë flakë një bombol gazi që shërbente për furnizimin me gaz të automjeteve ku si pasojë ka veç dëme materiale.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Menjëherë pas njoftimit të marrë për ngjarjen, forca të shumta policie dhe disa zjarrfikëse shkuan në vendngjarje, ku Zjarrfikëset po bëjnë të mundur fikjen e plotë të zjarrit duke shmangur plotësisht rrezikun e përfshirjes së mëtejshëm të tij.
Policia mori masa duke vendosur perimetrin e sigurisë e largimin e të gjithë qytetarëve nga perimetri i sigurisë, si dhe bllokimin e aksit rrugor duke i menaxhuar e drejtuar për në akse të tjera lëvizjeje.
Paraprakisht, dyshohet se ngjarja ka qenë aksidentale, ndodhur nga një defekt teknik në sistemin e gazit. Grupi hetimor ndodhet në vendngjarje, ku po vijon punën për sqarimin e plotë të rrethanave të ngjarjes për hetimin e plotë të rrethanave të ngjarjes.
