Kuvendi zgjedh nesër kryeprokurorin e ri, mazhoranca sytë nga opozita për sigurimin e votave, në garë 3 kandidatë

Kuvendi i Shqipërisë pritet të zgjedhë ditën e nesërme kryeprokurorin e ri. Në orën 10:00 deputetët do të mblidhen në seancë plenare ku do të diskutojnë dhe miratojnë shumë pika, por midis tyre është edhe emërimi i Prokurorit të ri të Përgjithshëm.

Sipas ligjit, zgjedhja e drejtuesit të ri të organit qendror të akuzës bëhet me 84 vota, çka do të thotë se mazhoranca do të ketë nevojë edhe për kartonët e opozitës për t’i hapur rrugën emrit të ri në krye të Prokurorisë së Përgjithshme.

Këshilli i Lartë i Prokurorisë bëri renditjen përfundimtare të 3 kandidatëve, Fatjona Memçaj, Arta Marku dhe Olsian Çela, në datën 14 nëntor.

KLP renditi të parin Olsian Çelën, më pas Arta Markun dhe në fund u rendit Fatjona Memçaj. Deputetët do të duhet të zgjedhin nesër mes këtyre 3 emrave. Sipas ligjit, Kuvendi ka 30 ditë kohë për të emëruar kryeprokurorin e ri.

Në rast se diçka e tillë nuk ndodh, atëherë automatikisht emërohet kandidati i renditur i pari në listë nga Këshilli i Lartë i Prokurorisë.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern