LIGJET E BIZNESIT
Ka nisur protesta përpara Kuvendit e gazetarëve dhe aktivistëve të shoqërisë civile, të cilët kundërshtojnë fort paketën anti-shpifje që pritet të miratohet në seancën e sotme të orës 10:00.
Gazetarët kanë këmbëngulur që mediat online duhet të aplikojnë parimin e vetërregullimit.
Edhe Këshilli i Europës e ka kritikuar këtë paketë të cilët e kanë vlerësuar si pengim të fjalës së lirë dhe kanë bërë thirrje që deputetët mos votojnë.
Kreu i Unionit të Gazetarëve Aleksandër Çipa për mediat deklaroi se nëse ku projketligj miratohet ata do t’i bëjnë kërkesë presidentit të Republikës të mos e dekretojë. Ndërsa gazetari Enton Abilekaj deklaroi se nuk do e njohim kurrë këtë ligj edhe nëse ka koston e burgosjes së gazetarëve. “Fati i diktatorit dihet. Nëse Rama ka zgjudhur të jetë një diktator t’a çojë deri në fund” -deklaroi Abilekaj.
Gazetarët dhe shoqëria civile pretendojnë se kjo paketë nuk do japë zgjidhje për shpifjet dhe lajmet e rreme sic pretendon qeveria por e cilësojnë si përpjekje për të kapur median online.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Kjo paketë ligjore e parashikuar nga qeveria dhe kryeministri Edi Rama parashikon që Autoriteti i Mediave Audiovizive (AMA) të marrë kompetenca me gjoba deri në mbylljen e portaleve nëse gjykon se ka publikuar lajme të rreme apo shpifje.
Nga ana tjetër kundërshtarët theksojnë se ky vendim mund të merret vetëm nga Gjykata dhe asnjë institucion nuk mund të marrë kompetencat që i takojnë drejtësisë.
