Kosova dërgoi tonelata me ndihma dhe strehoi shqiptarët pas tërmetit, Haradinaj: Rama s’më hapi telefonin

Menjëherë pas tërmetit të 26 nëntorit, Kosova nisi kamionët me ndihma për shqiptarët. Në një intervistë për Abc News, kryeministri në detyrë i Kosovës Ramush Haradinaj, ka treguar se ata janë organizuar për 30 minuta.

Haradinaj u shpreh gjithashtu se për tërmetin ka folur me Presidentin Ilir Meta dhe mënjëherë ka sjell grupet e emergjencës në Shqipëri. Sakaq, kryeministri kosovar ka thënë se është përpjekur të flasë dhe me Ramën por e ka patur të pamundur të lidhet me të, pasi sipas Haradinaj Rama nuk mban telefon.

“Është bërë e pamundur për tu lidhur me Kryeministrin. Një numër që mban ai (Rama) nuk di si ta arrish në telefon. Unë e kam provuar kryeministrin dhe ka qenë vështirë, ai s’mban fare telefon dhe s’ka një person që mund të komunikosh në të tillë situatë me të”, është shprehur Kryeministri i Kosovës Ramush Haradinaj.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern