I hodhën makinën në erë, prokurori Kuliçi jep dëshminë, ja dyshimet e para

Një shpërthim me lëndë plasëse ka tronditur Vlorën në orët e para të mëngjesit të sotëm, ku është hedhur në erë makina e prokurorit Albert Kuliçi.

Mësohet se tritoli i është vendosur makinës tip ”Wolsvagen” në lagjen 28 Nëntori, dhe fatmirësisht nuk ka shkaktuar dëme në njerëz, por vetëm materiale.

Pas ngjarjes vetë Kuliçi ka qenëi pranishëm në terren pas shpërthimit, ku dhe ka dhënë dëshminë e tij në Polici.

Derimë tani policia nuk ka ende një njoftim për ngjarjen, ndërsa dyshimet e para janë që tritoli të ketë lidhje me detyrën që kryen prokurori Kuliçi.

Kujtojmë se prokurori ka hetuar dosje të rëndësishme si ajo për tokat në Zvërnec, po ashtu dhe urdhër ndalimi për ish-kryebashkiakun e Vlorës Shpëtim Gjika.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

Nuk ka ende detaje lidhur me atë që ka deklaruar Kuliçi në polici, po të gjitha dyshimet të çojnë se ngjarja ka ndodhur për shkak të detyrës që ai kryen në qytetin bregdetar, ku kanë ndodhur një seri ngjarjes të rënda, nga përplasja mes bandave, deri te konfliktet e shumta për tokat e lakmuara në bregdet.