Dëshironte të sulmonte njerëz për hakmarrje, ja çfarë vendimi mori gjykata për 21-vjeçarin

Gjykata Federale në Missoula të shtetit të Montanës, ka dhënë vendimin për shqiptarin Fabjan Alameti, i cili jetonte në New York. Ai do të qëndrojë në burg për gati pesë vite.

21-vjeçari akuzohet për deklarim të rremë sepse më herët në vitin 2018 ai ishte pyetur nëse kishte apo jo dëshirë të bashkohej me grupin terrorist ISIS, por e kishte mohuar diçka të tillë. Por e gjitha u zbulua kur shqiptari po udhëtonte me autobus drejt Montanës në muajin mars,kur një person i armatosur vrau 50 njerëz në një xhami në Christchurch të Nju Zelandës.

Gjatë këtij udhëtimi ai kishte biseduar me një pern, pa patur informacion se ai ishte informator i policisë. 21-vjeçari i kishte rrëfyer të panjohurit dëshirën e tij për hakmarrje tek njerëzit e thjeshtë dhe planin për të organizuar një sulm terrorist në një objekt ushtarak në Shtetet e Bashkuara të Amerikës.

Pas këtyre deklaratave, shqiptari u prangos në muajin prill. Pas dhënies së vendimit nga ana e gjykatës, avokati mbrojtës i Alametit u shpreh për mediat se deklaratat e tij janë të mbrojtura nga amendamenti i parë.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern