LIGJET E BIZNESIT
Pëllumb Petritaj, biznesmeni i cili tjetërsoi 342 hektarë tokë plazhi në jugun e Shqipërisë dhe që fitoi lirinë në këmbim të garancisë pasurore prej 25 milionë lekësh, është rikthyer sërish në qeli.
Gjykata e Vlorës ka mbajtur ditën e hënë seancën gjyqësore ku ka qenë edhe prokurori Albert Kuliçi ai që ka kërkuar ndryshimin e masës për Petritajn, nga lirimi me garanci pasurore në “Arrest me burg”.
Trupa gjykuese e pranoi kërkesën duke kthyer sërish në qeli biznesmenin e njohur si “peshku i madh” i tjetërsimit të pronave.
Fillimisht Pëllumb Petritaj u vu në pranga në muajin tetor të vitit 2018. Ai u akuzua si njeriu që nëpërmjet falsifikimit të dokumenteve zaptoi plazhet dhe sipërfaqet të mëdha toke në Vlorë.
Ai u lirua pas shtatë muajsh qëndrimi në qeli në këmbim të garancisë pasurore prej 25 mln lekësh.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
