“Ti e di nga kush e kam porosinë” shpallet në kërkim personi që kërcënoi me jetë Mit’hat Havarin (EMRI)

Mbrëmjen e djeshme ish-drejtuesi i lartë i Policisë së Shtetit Mit’hat Havari deklaroi se ishte kërcënuar nga shtetasi Saimir Miolli.

I ftuar në emisionin “Repolitix” Havari u shpreh se me datë 23 tetor të këtij viti Miolli e ka ndalur në rrugë duke e kercënuar.

Për këtë ngjarje mësohet se Saimir Miolli është shpallur në kërkim nga policia.

“Janë kërcënuar rrugëve, në 23 të muajit tetor, jam qytetar i thjeshtë, jam kërcënuar rëndë nga Sajmir Molli, më terrorizoi. Kishte marrë përsipër nga një kriminel. “Ti e di nga kush e kam porosinë”, se denonciva publikisht dikë në TV. Kam marrë Ardi Veliun, në celular u tregua i gatshëm. Ka kaluar 10 ditë. Shoh një lloj hezitimi, një polici inekzistente. Kam qenë zyrat i lartë i policisë së shtetit. S’kemi ngelur rrugëve që të na denigrojnë ashtu.

S’ka dhënë kontribut për Shqipërinë më shumë se unë, po t’i kishte ndodhur Ramës do ishte ngritur shteti në këmbë. Atë ditë që më ka kërcënuar, ka kërcënuar dhe një polic. Janë gjëra të rënda. Më fyu shumë rëndë, “Fuck wife, daughter , everything” Isha në terror psikologjik, s’kisha asnjë lloj përkrahje as nga banorët që unë jetoj aty prej 25 vite, s’jam boksier, s’mund të bëja grushta me të”, u shpreh Mit’hat Havari.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern