Padia e Metës regjistrohet te Krimet e Rënda, ja kush është prokurori që do hetojë Ardian Dvoranin (EMRI)

Prokuroria e Krimeve të Rënda ka regjistruar ditën e sotme padinë e presidentit Ilir Meta të ngritur ndaj kryetarit të Këshillit të Emërimeve në Drejtësi (KED), Ardian Dvorani.

Dosja do të merret në shqyrtim nga prokurori Klodian Braho.

Kjo dosje përbëhet nga 35 faqe padi, ku mes të tjerash Ardian Dvorani akuzohet për shpërdorim detyre.

Kujtojmë se presidenti Ilir Meta akuzon Ardian Dvoranin se ka manipuluar me qëllim procesin e përzgjedhjes së anëtarëve të Gjykatës Kushtetuese duke publikuar emrat në Gazetën Zyrtare pa miratimin e tij.

Sipas Metës, kreu i KED me dërgimin e dy listave njëkohësisht për anëtarët e rinj të Gjykatës Kushtetuese për vakancat që i takojnë Kreut të Shtetit, ka dashur ta  detyrojë atë që të shkeli Kushtetutën në cilësinë e Presidentiut të Republikës.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern