Ndeshja Shqipëri-Francë/ UEFA nuk njeh stadiumin “Air Albania”, por “Arenën Kombëtare”

UEFA ka  zyrtarizuar ditën e sotme  “Arenën Kombëtare” si stadiumin ku do të luhet sfida mes Shqipërisë dhe Francës.

Vetëm 2 ditë më parë u vendos emri përfundimtar i stadiumit i cili do të mbajë emrin “Air Albania”. Vendosja e këtij emri hasi mjaft debate dhe polemika për faktin se mban emrin e kompanisë ajrore të Shqipërisë.

Mesa duket edhe UEFA nuk është dakort me këtë emër pasi në faqen zyrtare në internet, ajo shkruan se ndeshja do të luhet në stadiumin e ri, por nuk e njeh me emrin “Air Albania”, por me Arena Kombëtare.

Siç shihet, UEFA ka pritur edhe ndeshjen testuese ditën e djeshme, mes femrave të Vllaznisë dhe Apolonisë, ku delegatët kanë mbetur të kënaqur me kushtet për stadiumin, dhe kanë dhënë dritën jeshile në institucionin më të lartë europian të futbollit, që ndeshja me Francën të luhet tek “Arena Kombëtare”.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern