LIGJET E BIZNESIT
Takimi i 3 liderëve të Ballkanit, Rama, Vuçiç, dhe Zaev për Mini-Shengenin ballkanik ka hasur mjaft debate dhe nuk është pritur mirë nga të gjithë.
Kryetari i Lëvizjes Vetëvendosje, Albin Kurti e ka quajtur gabim dhe të pashpjegueshëm idenë e Mini Shengenit të Ballkanit.
Në një intervistë për Report TV, Kurti ka thënë se takimi i dytë i kësaj iniciativave rajonale nuk është dashur që të mbahet.
“Vala e dytë e këtyre iniciativave rajonale nuk është dashur të mbahet. U mbajt takimi i parë në Novi Sad, u tha që në Ohër do të vijnë të gjithë dhe së pari aty nuk shkoi Kosova, së dyti Mali i Zi dhe Bosnja e Hercegovina patën përfaqësim simbolik dhe besoj që në kohën kur spostohet edhe Samiti i Parisit nuk ka pse të mos spostohet për një datë tjetër edhe ky i Ohrit”, thotë ai.
Kurti ka vlerësuar se një gjë e tillë ishte e gabueshme dhe e pashpjegueshme. “Pra për mua ishte e gabueshme dhe pashpjegueshme ngutia që medoemos, tani, të mbahet kjo mbledhje në Ohër në kohën kur dihej që Kosova nuk do të marrë pjesë”, shton kryeminsitri i ardhshëm i Kosovës.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
