“Më mbushi zemrën”, kryeministri i Italisë, mesazh prekës pas shpëtimit të Alvin Berishës

Pas lajmit të shpëtimit të Alvin Berishës nga kampi i ferrit në Siri, ka reaguar edhe kryeministri i Italisë, Giuseppe Conte.

Kreu i qeverisë italiane ka falënderuar të gjithë ata që morën pjesë në shpëtimin e tij, ndërsa është shprehur se ky është një lajm që të mbushë zemrën.

“Kthimi i Alvinit në shtëpi është një nga ato historitë që të mbush zemrën. Fëmija shqiptar për vite me radhë në një kamp refugjatësh në Siri, në orët e ardhshme më në fund mund të përqafohet nga babai i tij, që po e pret në Itali. Kjo është arsyeja pse unë shpreh falënderimet e mia të përzemërta për të gjithë autoritetet italiane dhe shqiptare, për organizatat humanitare, për ata që kanë bashkëpunuar për këtë operacion kompleks. Faleminderit edhe për ato media që kthyen në qendër të vëmendjes historinë e Alvinit të vogël”- u shpreh Conte.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern