LIGJET E BIZNESIT
Pas vjedhjes së kasafortës në filialin e postës në Krujë, Policia e Shtetit ka dhënë detaje pas operacionit “Filiali”.
Në një deklaratë për mediat, Policia bëri të ditur se tre personat e arrestuar rezultojnë edhe autorë të disa vjedhjeve të tjera në disa qytete të sende të tjera të vlefshme për hetimin.
Në pranga kanë rënë: Gazmir Saka, 32 vjeç, Andi Rexhepi, 30 vjeç dhe Mark Caka, 33 vjeç, të tre banues në Krujë.
Dy prej personave të arrestuar, Gazmir Saka dhe Andi Rexhepi, rezultojnë me precedent kriminal, përkatësisht:
Gazmir Saka është person me precedent kriminal në fushën e vjedhjes me armë të pronës dhe në fushën e narkotikëve. Theksojmë se shuma e parave të grabitura u gjet gjatë operacionit, në banesën e këtij shtetasi.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Andi Rexhepi, i njohur me pseudonimin “Rrem Paturri” është person me precedent të theksuar kriminal në fushën e krimeve ndaj personit e pronës dhe armëmbajtjes pa leje.
Sipas policisë, gjatë kontrolleve në disa banesa në Krujë dhe në Laç, u gejtën dy automjete që dyshohet se u përdorën nga autorët, një shumë e konsiderueshme lekësh, vjedhur në filialin e postës, tre armë zjarri me tre silenciatorë, konkretisht një pistoletë, një pushkë dhe një kallashnikov, municion luftarak, një minë me telekomandë me celular, disa targa automjetesh të vjedhura dhe sende të tjera të vlefshme për hetimin.
