Studentja e shkëlqyer që lyp rrugëve për të ëmën e sëmurë, merr lajmin e mirë

Pasi mbaron leksionet në universitet, Fatbardha merr nënën me karrocë dhe të dyja ecin rrugëve të Tiramës për të kërkuar para.

Nëna e saj Merjemja 56 vjeç, ka nevojë për një operacion që të ngrihet në këmbë, i cili kushton 15.000 mijë euro.

“Për mamin unë do të bëja gjithçka. Prandaj kur erdhëm këtu në Tiranë unë mora një vendim. Ka qenë një vendim i vështirë, sepse i trembesha gjykimit të njerëzve.

Por pastaj thashë, jo, le të mendojnë çtë duan. Nuk e shihja dot mamin në atë gjendje. Mora një karton dhe shkrova. Pastaj mora mamin në karrocë dhe dolëm në rrugë për të kërkuar para, për protezën”, shprehet ajo për “News 24”.

E pranishme në emisionin “Shqiptarët për Shqiptarët”, studentja 21-vjeçare ka marrë lajmin e madh pasi një shqiptar që jeton në SHBA, i quajtur Astrit Kerkuti nga Dibra e Madhe, ka telefonuar dhe ka thënë se do t’i paguajë ai 15 mijë euro për operacionin e të ëmës.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

Kjo e ka emocionuar pa masë Fatbbardhën, e cila tashmë nuk ka nevojë të lypë rrugëve për ndihmë!