LIGJET E BIZNESIT
Ish-deputeti i LSI ka bërë edhe një herë tjetër thirrje për të bojkotuar procesin e 30 qershorit.
Në një postim ne rrjetet sociale, Përparim Spahiu kërkon pjesëmarrjen e dibranëve në një protestë paqësore kundër votimeve në 30 qershor.
“Të gjithë kanë të drejtë të protestojnë, madje me zë të lartë, për farsën e zgjedhjeve që kjo mazhorancë ka stisur. Rikthim absolut i një sistemi monist, ku partia kontrollon gjithçka. Vendi ndodhet në krizën institucionale më të rëndë në 30 vite demokraci. Mungesa e qëllimshme e gjykatave, sidomos e asaj Kushtetuese, po shfrytëzohet maksimalisht për instalimin e një diktature të re. Më datë 30 Rilindja kërkon të EMËROJË dhe kryetarët në 61 bashki. Protesta është pak. Ulërima nuk mjafton, për të shprehur revoltën ndaj qeverisë më kriminale të 30 viteve të fundit. Por njëri-tjetrin duhet ta duam, jo ta godasim. Qeveritë shkojnë e vijnë, shqiptarët do jetojnë gjatë bashkë.
Ndaj të protestojmë por nuk do të godasim. Thirrja ime sot është për pjesëmarrje masive në protestën e organizuar në të gjithë qarkun. Absolutisht kjo protestë duhet të jetë paqësore, ashtu siç ka ndodhur deri tani, sidomos protesta e fundit”, shkruan Spahiu.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
