Qeveria shkarkon kryetarin e bashkisë së Vaut të Dejës

Qeveria shkarkon nga detyra kryetarin e Bashkisë së Vaut të Dejës, Zef Hila, pas propozimit të bërë nga ministri i Brendshëm Sandër Lleshaj. Vendimi është marrë në mbledhjen e sotme të Këshillit të Ministrave.

“Shkarkimi nga detyra, për shkak të shkeljeve të rënda, të kryetarit të Bashkisë së Vaut të Dejës, Zef Hila. Ky vendim hyn në fuqi menjëherë dhe botohet në Fletoren Zyrtare”, theksohet në VKM-në e qeverisë.

Ndërkaq kjo nuk do të jetë masa e vetme që do të ndiqet ndaj Hilës. Kryeministri Edi Rama shkruan në Tëitter se ai do të ndiqet penalisht.

“Zef Hila, haxhiqamilisti i Vaut të Dejës, jo vetëm u shkarkua po do të ndiqet penalisht, për aktin barbar të djegies së shkollës dhe djegies së materialeve zgjedhore! Kush do ta ndjekë shembullin e tij, do të ketë të njëjtin fat dhe do të përballet me drejtësinë”, shkruan kryeministri.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

Një ditë më pare, KZAZ-së në Bushat iu vu zjarri dhe për këtë ngjarje u arrestuan 15 persona, mes tyre edhe Alfred Hila, vëllai i kryetarit të Bashkisë së Vaut të Dejës.