Eurovisioni rinumëron votat pas një gabimi, ndryshon renditja e Shqipërisë

Festivali “Eurovision” ka vendosur të rinumërojë votat pas një gabimi të bërë.

Lajmin e ka bërë të ditur faqja zyrtare e “Eurovisionit”, duke lajmëruar se pas rinumërimit të pikëve renditja ka ndryshuar.

Shqipëria tashmë ngjitet lart në renditje, duke shkuar kështu në vendin e 17, nga vendi i 18 që ishte më parë.

EBU ka shkruar rreth gabimit në votimin e jurisë së Bjellorusisë në Eurovision Song Contest 2019.

Ata e kanë sqaruar gabimin dhe si pasojë rezultati ka ndryshuar.

Por për Hollandën shtetin fitues, asgjë nuk ka ndryshuar ata përsëri janë renditur të parët në garë.