Mjeti i grabitësve u dogj në Bathore, 40 të shoqëruar në polici

Pas ngjarjes së bujshme në Rinas, Policia e Shtetit ka shoqëruar rreth 40 persona për grabitjen spektakolare, ndërsa Prokuroria e Krimeve të Rënda ka lëshuar 4 urdhër-arreste për persona që kishin dijeni për transportin e parave.

Dyshohet se shuma e grabitur është rreth 10 milionë euro. Një prej grabitësve ka mbetur i vdekur nga shkëmbimi i zjarrit me Policinë e Shtetit. Autorët hynë në pistë me anë të një furgoni që mbante mbishkrimin “Hetimi Tatimor”.

Mësohet se në një urë pranë lumit ku u gjet dhe viktima, është gjetur edhe furgoni brenda të cilit kishte armatim.

Ndërkohë autorët dyshohet se janë larguar me një automjet tjetër, i cili u gjet i djegur në zonën e Bathores.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern