Grabitja e Rinasit/ Ministri Lleshaj “përplaset” me sekretarin e PD

Pas grabitjes së 10 mln eurove në aeroportin e Rinasit, Sekretari i Përgjithshëm i Partisë Demokratike, Gazment Bardhi ka akuzuar Policinë për bashkëpunim me autorët.

Më anë të një postimi në Facebook, Bardhi shkruante se policia u hapi rrugën grabitësve sepse Rama ka prioritet luftën me qytetarët dhe jo luftën me krimin.

“Kur Policinë e angazhon kundër qytetarëve, që mbrojnë strehën e fëmijëve të tyre apo protestojnë kundër Qeverisë, me vetëdije i hap rrugën grabitjeve me armë në zonën më të sigurt në vend,“-shkruan Bardhi.

I menjëhershëm ka qenë reagimi i ministrit i Brendshëm, Sandër Lleshaj, në një postim në  “Twitter”. Lleshaj thotë se sekretari i një partie antiparlamentare sulmon policinë edhe në momentin e një përplasje me armë me një grup kriminal.

“Edhe në momentin e një përplasjeje me armë të Policisë së Shtetit me një grup të armatosur kriminal, zëdhënësi/sekretari i një partie antiparlamentare sulmon ….. Policinë!

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

Megjithatë të gjithë shqiptarët janë në krah të Policisë së Shtetit në luftën e përbashkët kundër krimit të organizuar. Kjo luftë nuk mund të ndalet nga askush!”, shkruan Lleshaj.

https://twitter.com/SanderLleshaj/status/1115645826980827137