LIGJET E BIZNESIT
Qeveria ka miratuar kontratën e koncesionit për ndërtimin e aeroportit të Kukësit. Lajmi është bërë i ditur nga ministrja e Infrastrukturës dhe Energjisë, Belinda Balluku.
“Sot është miratuar nga qeveria kontrata e koncesionit për aeroportin e Kukësit. Koncesioni i tenderimit u krye në dhjetor 2018. Kohëzgjatja e kontratës së koncesionit është 35 vite dhe kontrata për ndërtimin është 24 muaj.
Për ndërtimin e aeroportit do të punësohen fillimisht 250 persona dhe në fazën finale do të shkojë në 12 mijë të punësuar. Aeroporti pritet të ketë 300 mijë pasagjerë në vit”, deklaroi Balluku.
Kompania që do të marrë me koncension është bashkimi i përkohshëm i shoqërive “Global Technical Mechanichs” sh.p.k. dhe “Bami” sh.p.k, e cila ishte e vetmja ofertë e bërë gjatë tenderit. “Global Technical Mechanichs” e cila ka si aksioner të vetëm Ridgers Mema është krijuar në 2017 ndërsa “Bami” shpk rezulton e regjistruar në vitin 1999 dhe ka si aksioner të vetëm Besnik Bamin.
Të dyja kompaninë kanë si aktivitet kryesor infrastrukturën rrugore dhe aeroportuale. Investimi është parashikuar që të jetë rreth 8 milionë euro ndërsa koncesioni do të jetë i tipit PPP.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Aeroporti i Kukësit është përfunduar në vitin 2006, por nuk është vënë asnjëherë në përdorim. Qeveria ka deklaruar se dhënia me koncesion do të mundësojë që përmes këtij aeroporti të fluturojnë mbi 300 mijë udhëtarë në vit me çmime low cost.
