Përfaqësuesi i Merkel mbështet opozitën, në krah të Berishës në protestë

Duket se protesta e opozitës ka edhe mbështetjen e ndërkombtarëve. Përfaqësues i partisë CDU në Gjermani, Martin Henze është shfaqur në protestën e sotme para Kryeministrisë, në krah të ish-kryeministrit, Sali Berisha.

Henze, edhe dje u shpreh në mbështetje të protestave, duke thënë se është një protestë e drejtë dhe se cdo parti bën cfarë të dijë me mandatet e saj.

’Çdo parti vendos vetë se çfarë bën me mandatet e saj, në Europë ka mendime kontradiktore, këtu vijnë informacione të filtruara.

Opozitës në Kuvend i është mohuar e drejta parlamentare, pasi nuk ka asnjë mundësi për të apeluar vendimet e marra nga shumica.

Dorëheqja nga mandatet, vendimi demokratik i tyre, protestat janë legjitime, nuk cënohet e drejta e qytetarëve të tjerë”, u shpreh dje Henze.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern