Edhe pse nuk ishte paralajmëruar asnjë protestë e opozitës si kundërpërgjigje për seancën parlamentare, të rinjtë e FRPD kanë zgjidhur forma të ndryshme të protestës para parlamentit.
Teksa Kuvendi vijon punimet, mbi kokat e 300 policëve që ruajnë godinën u ngrit një dron që mban varur një pankartë me mesazhin: “Parlamenti i Krimit”.
Kujtojmë se më herët ata kanë hedhur shashka në oborrin e parlamentit. Ndërsa në mëngjes pranë Parlamentit kanë ngjitur disa pankarta me mesazhe politike, kundër deputetëve të rinj të opozitës.
Sakaq, kryedemokrati Basha gjendet në Dibër për një takim me qytetarët.
