Njësia operacionale e Policisë së Shtetit ka përgjuar liderin e opozitës, Lulzim Basha. Akuza e fortë është bërë nga ish deputeti demokrat Ervin Salianji në Top Channel, i cili shfaqi edhe një video, që sipas tij, dëshmon përgjimin. “Është mbajtur nën survejim me kamera jashtë dhe brenda selisë. Policia e Shtetit ka bërë përgjime të paligjshme”, ka deklaruar Salianji.
Ish deputeti demokrat ka shtuar se është skandal fakti që përgjohet selia e PD-së.
Salianji ka delaruar se në dosjen e policisë janë edhe foto të gazetarëve dhe medias. “Në dosje ka foto të Top Channel dhe gazetarit Artur Cani. Këta të vënë njerëz që survejojnë ata njerëz që bëjnë punën e tyre”, deklaroi Salianji.
Sipas ish deputetit të PD-së, edhe telefoni i tij është nën përgjim. “Jam informuar nga burime shumë të sakta që telefoni im përgjohet”, u shpreh ai.
https://www.youtube.com/watch?time_continue=15&v=Vpp0cs1Z0P8
