Gratë e “Astirit” thirrje kryeministrit: Mos na lër rrugëve

Sot në 8 mars, në ditën ndërkombëtare të grave, ato të “Astirit” janë mbledhur gjatë orëve të para të mëngjesit të sotëm së bashku me gratë opozitare kanë protestuar kundër projektit të Unazës së Re, nën moton “Shtëpia Jonë-Liria Jonë”.

Ato kanë kërkuar anullimin e këtj projekti dhe rikthimin e jetës së tyre në normalitet.

“Shikoni se sa shumë gra që jemi. Nënat dhe femrat e Unazës së Re do të vuajnë e do të jenë të nënshtruara për faj të një projekti që nuk duhet të ekzistojë. Anullo projektin! Edi Rama anullo projektin dhe jepi një shpresë grave dhe nënave!,’ janë shprehur banoret e kësaj zone.

Gratë të cilat sot kanë bllokuar rrugën, u kanë kërkuar ndjesë edhe drejtuesve të automjeteve të cilët presin të kalojnë.

 “Sot dhunës së gruas, stop dhunës së Unazës së Re. Gjithë këto gra që po protestojnë kaq kohë, shteti i dhunoi, të paktën ju shoferë mos i dhunoni të paktën sot. Të na e bëni hallall se edhe ne nga halli kemi dalë.”, tha një prej protestuesve.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

Së bashku me to edhe gratë opozitare kanë bërë thirrje për ndalimin e projektit të “Unazës së Madhe”.