Sot është zhvilluar takimi i përjavshëm me qytetarët, në kuadër të platformës “Shqipëriaqëduam.al”. Gjatë takimit Kryeministri Edi Rama, i kërkoi qytetarëve që t’i dërgojnë shqetësimet e tyre në këtë adresë, ndërsa theksoi se nuk iu kushton asgjë, por vetëm tre miuta.
Ai shtoi se synimi është që administrata të përmirësohet përmes presioneve, që vijnë nga radhët e qytetarëve.
“Na vini në provë”, kjo ishte thirrja e Kryeministrit Rama.
“Besoj që, po është e vërtetë se ka një përmirësim që ndjehet diku më shumë dhe diku më pa dhe kuptohet se presioni që ushtron qytetari mbi zyrtarin është pozitive dhe kjo në fund është thelbi.
Në çdo vend me administrata të konsoliduar ka nevojë gjithmonë për konsolidim për të identifikuar një problem dhe për të adresuar zgjidhjet.
Të na vënë në provë, nuk iu kushton asnjë qindarkë, por vetëm 3 minuta dhe menjëherë qeveria është në krahun e atij që i adresohet platformës”, tha Rama.
