Dhuna ndaj arbitrit në Kamëz, dorëhiqet drejtori ekzekutiv

Pak ditë më parë arbitri, Eldorjan Hamiti ka rënë pre e një dhune barbare në Kamzë. Ai u dhunua nga tifozë dhe drejtues të klubit, pas një ndeshjeje që përfundoi me rezultatin 1-1.

Pas kësaj ngjarje të turpshme, drejtori ekzekutiv i Kamzës, Fabio Kordela është larguar nga klubi, vetëm tre muaj pas prezantimit në rolin e tij.

Dorëheqja u konfirmua nëpërmjet një deklarate në faqen e tij në “Facebook”, ku italiani e argumenton vendimin me dhunën ndaj arbitrit Hamiti.

Nga Italia, ish-drejtuesi shtoi: “Duhet të jemi shembull për fëmijët, të transmetojmë vlera, moral dhe integritet. Në stadium nuk shkon për të dhunuar dhe përhapur urrejtje”, ndërsa shpreson se tifozët do ta kuptojnë zgjedhjen e tij.

Ngjarja e dhunshem është denuar gjerësisht, ndërsa arbitri është shprehur se në fushë  është ndierë i vrarë: fizikisht, moralisht dhe profesionalisht.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern