“CultureTrip”: Riviera shqiptare një nga 8 vendet më romantike të Ballkanit

Ballkani është ende një destinacion i paprekur në Europë, i cili është kryesisht i pa eksploruar nga të huajt, shkruan CultureTrip.

CultureTrip ka renditur rivierën shqiptare mes 8 destinacioneve më romantike të Ballkanit, pë rata që dëshirojnë të zbulojnë një destinacion të ri dhe t’i kenë pushimet romantike të përballueshme.

”Riviera shqiptare ende është e panjohur për të huajt, por me ujin e saj blu, plazhet e pacenuar dhe limanet, është një vend i përkryer për një arratisje romantike e të përballueshme.

Mënyra më e mirë për të eksploruar është të marrësh me qira një makinë dhe të shëtisësh përgjatë bregut. Kudo që të ndalosh do të ndeshësh një plazh të egër shkëmbor. Vetë Shqipëria është një gur i çmuar për eksploruesit e vërtetë dhe i përshtatshëm për ata çifte që kanë nevojë për diçka më shumë se një plazh dhe një koktej”.

Riviera shqiptare renditet si destinacion romantik mes vendeve si Dubrovniku, Kroaci, Santorini Greqi, Liqeni Bled, Slloveni etj. Shkrimi në CultureTrip i ka bërë përshtypje edhe vet kryeministrit Edi Rama, pasi mengjesin e sotëm, e ka shpërndare artikullin në faqen e tij në “Facebook”.