LIGJET E BIZNESIT
Në një lidhje me Skype në emisionin “Ftesë në 5” Monika Kryemadhi tregoi se është kthyer në amvisë gjatë ditëve të izolimit në shtëpi për shkak të virusit vdekjeprurës.
Më tej Kryemadhi rrëfen edhe marrëdhënien me bashkëshortin e saj, Presidentin Ilir Meta duke shtuar se gjatë këtyre ditëve nuk janë grindur por midis tyre ka plasur dashuria.
Megjithatë hodhi poshtë planet për një fëmijë të katërt duke u shprehur se për shkak të një operacioni që ka bërë vitin që kaloi nuk mund të lindë më, por i gëzohet 3 fëmijëve që kanë.
“Për hir të vërtetës ka plasur dashuria e madhe me Ilir, nuk kemi mundësi për fëmijë të katërt. Mbas operacionit vitin e kaluar nuk kam mundësi për fëmijë të tjerë dhe i gëzohem 3 fëmijëve që kam dhe i lutem zotit të kenë jetë dhe të bëhen të pavarur”– u shpreh Kryemadhi.
Më tej tregon si e kalon pasditen me Presidentin Meta: “Pimë nga një teke raki me hudhra të njoma dhe pak ullinj mbasdite, përdorim pak djath kackavall. Para se ta përdorim djathin e fus në ujë të nxehtë. Deri tani kam kuptur që jeta jonë në shtëpi ka qenë hotel.”
Sipas saj qëndrimi në shtëpi ka pasur ndikim pozitiv tek fëmijët e tyre.
“Mendoj që ka një ndikim pozitiv tek fëmijët sepse nuk janë të vegjël por të rritur për shkak të jetës së tyre të kufizuar kanë mungesë informacioni por ndihen edhe të tërhqehur dhe kjo ka qenë e nevojshme. Me Borën flet shumë edhe për shkak të profesioneve,”– përfundon ajo.
