Koronavirusi ka shënuar viktimën e parë në Kosovë.
Ngjarja e rëndë ka ndodhur mëngjesin e sotëm, ku Instituti i Shëndetit Publik, bën me dije se personi është një 82-vjeçar nga Dumnica e Podujevës.
Klinika Infektive ka njoftuar për humbjen e jetës së parë nga COVID-19 rreth orës 9:00
“Pacienti lindur më 1938 fshati Dumnicë, Komuna Podujevës është pranuar në Klinikën Infektive më 16.03.2020 në ditën e 6 të sëmundjes me shenja të infiltrimit pulmonar dhe pneumonisë masive majtas është diagnostikuar në Laboratoret e IKSHPK me SARS-CoV-2. Pacienti ka patur edhe sëmundje shoqëruese kronike: kardiake dhe sëmundje kronike mushkërore (SPOK). Rasti në fjalë është kontakt nga djali i tij dhe vajza e tij pozitive”, thuhet në njoftimin zyrtar.
