Mund të duket tërësisht e pabesueshme, por 55 vjecari Leonidha Duka, ka humbur jetën nga uria. Komshinj të tij kanë pohuar për Jugulajm.net se 55 vjecari kishte 4 ditë i pangrënë që kur Edi Rama vendosi me forcë vetkarantinimin e të gjithë shqiptarëve në banesë pa i dhënë zgjidhje personave si Leonidha që nuk kishte asnjë të ardhur për të siguruar bukën e gojës.
Dy komshinj te tij, kanë thëne para pak minutash se Leonidha kishte shfaqur shenja të mungeses së të pangrënit pasi qëndronte i mbyllur në shtëpi duke zbatuar urdhërin e Ramës për izolim vetjak në shtëpi. Dje guxoi që të dilte në ajër të paster por ra në shesh dhe pasi mori shërbim mjekësor ne Qendrën Shëndetesore në Memaliaj, u dërgua në banesë, shkruan Jugulajme.net .
Tre muaj më parë kryetari ilegal i Bashkisë Memaliaj i zgjedhur nga votimet moniste të 30 qershorit të 2019 Spiros Kuremenos (Gjolek Gucaj) i hoqi trajtimin prej 35 mijë lekësh qe Duka përfitonte nga Bashkia si i papunë që ishte dhe i sëmurë. E ndërkohe që Gjolek Guci alias Spiros Kuremenos “gëzon” karantinimin e tij në shtëpine e vet në Tiranë si banor i kryeqytetit, njëri prej banoreve të Memaliajt, atij që i hoqi buken e gojes, humbi jetën pikerisht nga uria dhe vetizolimi i diktuar nga shefi i Spiros Kuremenos alias Gjolek Guci.
Lajmin e ka publikuar edhe ish-kryeministri Sali Berisha i cili shkruan se 55-vjeçari ishte ngujuar në karantinë pa asnjë ushqim ndërsa shprehet se i ishte hequr prej 3 muajsh ndihma ekonomike.
STATUSI I ISH-KRYEMINISTRIT BERISHA:
“Nje lajm tragjik dhe aktakuze e rende per narkoshtetin!
Jugulajme raporton vdekjen tragjike nga uria te banorit te Mamaliajt, Leonidha Duka, vjeç 55.
Ai ishte ngujuar ne karantine pa asnje ushqim.
Narkokryetari monist prej tre muajshe i kishte hequr ndihmen ekonomike.
Duke shprehur dhimbje dhe keqardhje per kere vdekje vertet tragjike denoj qendrimin çnjerzor te narkoqeverise lokale dhe qendrore ndaj personave te ngujuar ne karanitine pa kafshaten e gojes.
Vdekja nga uria e te ndjerit Leonidha Duka eshte nje kambane alarmi per te parandaluar me nderhyrje urgjente qindra e mijra vdekje te tilla te njerzve te ngujuar ne karantine pa asnje burim jetese. Shperndarja e ushqimeve per keta qytetare eshte urgjence e urgjencave sociale.Por narkokreu nuk ka kohe se merret me Joga ne Surrel.Ju beje thirrje qytetarve te ndajme kafshaten me fqinjet ne nevoje .
Lexoni raportimin e portalit te mirenjohur Jugulajme.net burimi me i pavarur i mediave ne Jugun e vendit!”, shkruan Berisha.
