Një tjetër rast i dyshuar me koronavirus mbërrin në Sanatorium

Në disa foto të mbërritura në redaksinë e Top Channel raportohet se një tjetër rast i dyshuar sapo ka mbërritur në Sanatorium.

Kujtojmë se 4 raste të reja janë regjistruar në 24 orët e fundit me koronavirus në Shqipëri, dy prej të cilave janë 2 mjekë të spitalit “Shefqet Ndroqi”, duke e çuar në total në 42 numrin e të infektuarve. Dy mjekët e Sanatoriumit kanë pasur kontakt me një nga të infektuarit që ka qenë i shtruar në godinën e këtij spitali, i cili më herët ishte planifikuar që të shndërrohej në karantinë. 2 mjekët e Sanatoriumit u infektuan nga i afërmi i një pacienti i cili ishte shtruar në Sanatorium për probleme me mushkërinë, që e mbajti të fshehtë se kishte qenë në Itali.