Koronavirusi/ Mes të prekurve në Tiranë, konfirmohen edhe dy mjekë të Sanatoriumit

Ditën e sotme janë shënuar katër raste të reja me koronavirus në Tiranë.

Kështu, brenda 24 orëve numri i të infektuarve ka shkuar në 42.

Midis të prekurve në kryeqytet, u shënuan dhe dy  mjekë të Sanatoriumit.

Sipas njoftimit të Ministrisë së Shëndetësisë ata janë të vetizoluar dhe në gjendje të mirë shëndetësore.

“Në Institutin e Shëndetit Publik janë testuar deri në këto momente 17 personel shëndetësor, kontakt të të sëmurit të sëmurit të identifikuar me COVID-19 në spitalin “Shefqet Ndroqi”, i cili aktualisht po trajtohet në spitalin Infektiv. Rezulton se 2 prej tyre, personel shëndetësor kanë rezultuar pozitivë. Janë pa simptoma, në gjendje të mirë shëndetësore dhe të vetëizoluar”, bëri me dije zëvendësministrja e Shëndetësisë, Mira Rakacolli.