Kryeministri Edi Rama vijon publikimet ditë pas dite përsa i përket situatës për koronavirusin.
Ditën e sotme ai ka zgjedhur të postojë një video ku shfaqet një hartë, që sipas tij tregon se sa shpejt ka vepruar Shqipëria në rang europian për këto masa.
Kujtojmë se një nga masat e para të qeverisë shqiptare ishte dhe mbyllja e shkollave, ku në video shfaqet dhe kronologjia që ka sjellë ky vendim.
“Në këtë hartë që tregon kronologjinë e mbylljes së shkollave, mund të shihet se sa shpejt ka vepruar Shqipëria në rang Europian”, citon kryeministri.
Gjithashtu ai ka shtuar se po bëhen gjërat e duhura në kohën e duhur, dhe paralajmëron se këto dy javë do shihet kurba e rritjes, dhe këshillon qytetarët për një mbrojtje sa më të fortë me njëri-tjetrin.
