“Elbasani duket bosh pa ju”, kryebashkiaku Llatja uron për Ditën e Verës

Sot festa tradicionale e Ditës së Verës, festohet në Shqipëri por më tepër në Elbasan, nuk do të festohet si shkak i koronavirusit.

Ndërkaq, në një postim në rrjetin social Facebook, kryeashkiaku i Elbasanit Gledian Lllatja, është shprehur se sot mijëra njerëz do të festonin në Elbasan dhe do të argëtoheshin me aktivitetet e parashikuara. Ai shprehet se shëndeti i qytetarëve është më i rëndësishëm.

“Këtë Ditë Vere, mijëra njerëz kishin menduar ta festonin në Elbasan për t’u argëtuar me aktivitet e parashikuara, për të shijuar gatimet tradicionale, për të vizituar pikat turistike të Elbasanit. Sa bosh duket shtëpia jonë pa të gjithë ju, miqtë tanë që nuk na mungoni asnjë vit. Por shëndeti i të gjithëve ne është shumë i rëndësishëm. Ju kemi premtuar një festë shumë më të madhe vitin e ardhshëm, por ndërkaq po ju sjellim disa copëza nga Elbasani ynë. Gëzuar Ditën e Verës me plot shëndet në familjet tuaja. Festojmë në shtëpi!” , shkruan Llatja.