Si u zgjua Tirana në ditën e dytë të “shtet-rrethimit”

Në ditën e dytë të “shtet-rrethimit”, rrugët në Tiranë tashmë janë bosh, pas thirrjes së kryeministrit Rama ku dha urdhrin për ndalimin e qarkullimit.

Ndërkaq, ky urdhër erdhi nga Rama për të parandaluar përhapjen e koronavirusit, ndërsa do të lejohen që të qarkullojnë autoambulancat, makinat e policisë dhe disa mjete të tjera që duhet të akreditohen me anë të një e-maili te Policia e Shtetit.

Ndërsa, ditën e djeshme është respektuar deri diku nga shoferët në Shqipëri, pasi i janë bindur urdhrit dhe nuk kanë qarkulluar me makina, por ka pasur raste ku policia ka ndaluar dhe shoqëruar shoferët që e shkelën këtë urdhër.

Mëngjesi i ditës së sotme e ka gjetur Tiranën në një qetësi totale, makinat janë të gjitha të parkuara, ndërsa edhe njerëzit duket se kanë zgjedhur të rrinë në shtëpi, pasi të gjitha baret dhe restorantet janë mbyllur deri në një urdhër të dytë të qeverisë.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern