Rama tjetër paralajmërim të ashpër: Do ju hiqen patentat përgjithmonë! Ka dhe një thirrje për marketet dhe farmacitë

Kryeministri Edi Rama ka dalë sot me një video mesazh live nga banesa e tij në Surrel.

Ai ka paralajmëruar se personat që do të shkelin shtetrrethimin dhe masat e vendosura do të ndëshkohen rëndë.

Rama ka shtuar se personat që do të udhëtojnë me automjetet e tyre në shkelje të rregullave, do ta humbin patentën përgjithmonë.

Gjithashtu ka paralajmëruar farmacitë apo pikat e shumicës që nëse bëjnë si ‘të shkathët’ sipas tij duke rritur çmimet do u hiqet përgjithmonë licensa.

“Më vjen mirë që deri dhe vlonjatët se kanë shkelur më shumë se sa të tjerët rregullin e mos lëvizjes në qytet. Ky është vetëm fillimi fare i një lufte nervash që do zgjasë, askush s e di e se thotë sot por e dimë që s’do jete histori e shkurtët e lehtë.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

Më shani e mallkoni mua s’ka problem, por masat do përshkallëzohen bashkë me ndëshkimet. Kush do kapet në qarkullim në thyerje të rregullores mund ta humbasë patentën përfundimisht e të ndalohet për disa vjet të hyjë në kurs për ta rimarrë.

Kush do luajë të zgjuarin me çmimet e ushqimeve dhe barnave mund ta humbasë përfundimisht të drejtën të tregtojë ushqime e barna. Ka një sërë sanksione të tjera për të përballuar dezertoret e  mundshëm që mund ta humbasin luftën e nervave e të kujtojnë se mund t’ja hedhur”, ka thënë Rama.