Këto janë tre hapat që rekomandon qeveria gjermane kundër përhapjes së koronavirusit

Kërcënimi më i madh për botën së fundmi është padyshim koronavirusi dhe rreziku që ai sjell.

Një nga parimet që është ngritur me të madhe është higjiena.

Nga ana tjetër pothuajse të gjitha qeveritë e shteteve publikojnë vazhdimisht masa të ndryshme që duhen marrë kundër përhapjes së koronavirusit.

Të njëjtën gjë ka bërë dhe qeveria gjermane, ku ka treguar tre hapa që minimizojnë mundësitë që të prekeni nga Covid-19.

Së pari, mbrojtja.

Qëndroni sa më larg të jetë e mundur nga të tjerët kur kolliteni ose tështini, dhe më mira do ishtë të mbuloni fytyrën. Tështini poshtë bërrylit tuaj, ose në një letër njëpërdorimshe dhe pastaj hidheni menjëherë në kosh.

Kujto, simptomat e para janë kollë, acarim i fytit dhe temperaturë. Disa pacientë gjithashtu vuajnë edhe nga diareja.

Po ashtu disa njerëz mund të kenë probleme të frymëmarrjes. Simptomat mund të shfaqen edhe 14 ditë pas infeksionit.

Vepro. Nëse keni qënë në një vend ku ka pasur raste të prekura nga koronavirusi, edhe nëse nuk keni pasur asnjë nga simptomat e mësipërme, shmangni kontaktet me njerëzit sa më shumë të jetë e mundur, për të paktën 14 ditë dhe qëndroni sa më shumë te jetë e mundur në shtëpi.

Qëndroni në kontakt me doktorin tuaj, nëpërmjet telefonit dhe flisni sesi mund të procedoni, para se të shkoni në zyrën e tij. Nëse keni pasur kontakt me një person që është infektuar, kontaktoni menjëherë me shërbimet mjekësore lokale.