“Orët dhe ditët në vijim janë vendimtare”/ Lleshaj ka një thirrje për qytetarët

I kthyer tashmë në një pandemi pas infektimit të më shumë se 100 vendeve, koronavirusi  vijon përhapjen e tij në të gjithë botën.

Ministri i Brendshëm, Sandër Lleshaj i është bashkuar thirrjeve të kryeministrit Rama, për virusin kinez dhe thekson se është shumë e rëndësishme që secili  nga ne të bëjë pjesën e tij.

Ai po kështu njofton se policia e mbështetur nga ushtria, vijon kontrollin e gjerë për kufizimin e lëvizjeve në të gjithë vendin.

Nëse bashkërisht bashkëpunojmë për të qëndruar në shtëpi, Lleshaj thotë se orët dhe ditët në vijim do jenë vendimtare edhe për rezultatin.

Statusi i Ministrit Lleshaj:

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

Situata përballohet kur secili bën pjesën e tij. Ndërkohë që punonjësit e shëndetësisë, të policisë, ushtarakët e të tjerë duhet të mbajnë barrën kryesore, të tjerët duhet të bëjnë një gjë më të thjeshtë, por po aq të rëndësishme: të qëndrojnë në shtëpi.

Policia, e mbështetur nga ushtria, vijon kontrollin e gjerë për kufizimin e lëvizjeve në të gjithë vendin. Orët dhe ditët në vijim janë vendimtare për frenimin e përhapjes së virusit në vend.

Ndaj ky angazhim do të njohë thellim të mëtejshëm, me bindjen se qytetarët do të bashkëpunojnë dhe mbështesin strukturat e vijës së parë.