Qeveria merr vendimin/ Prindërit me fëmijë të vegjël 2 javë pushim, vlen dhe për privatin

Një vendim është marrë sot nga qeveria shqiptare përsa i përket vijimësisë së masave kundër koronavirusit.

Kështu, një ditë pas mbylljes së shkollave, kopshteve dhe çerdheve sot vendoset që njëri prind të marrë ditë pushimi, në mënyrë që të kenë mundësi të kujdesen për fëmijët.

Pushimet parashikohen nga data 10 e deri më 23 mars.

Nga vendimi do të përfitojnë prindërit që punojnë në administratën publike në nivel qendror dhe lokal, të cilët kanë fëmijë në çerdhe, kopësht dhe parashkollor.

Por, gjithashtu, në vendim qeveria do t’i kërkojë edhe sektorit privat që të lejojë të njëjtën gjë për njëri nga prindërit, me qëllim mbajtjen e fëmijëve.