OFL ‘injoron’ koronavirusin, lëshon ultimatumin për 2 ‘të fortit’ e rradhës (EMRAT)

Operacioni Forca e Ligjit ka vijuar aksionin pavarësisht situatës së krijuar nga koronavirusi.

Kështu, ditën e sotme mësohet se janë dërguar formularët e deklarimit për dy shtetas, në kuadër të operacionit për goditjen e pasurive të vëna në mënyrë të paligjshme, që ka nisur që nga fillimi i muajit shkurt.

Sipas burimeve zyrtare, në vijim të veprimeve, bazuar në Aktin Normativ, OFL u ka dërguar kërkesat për vetëdeklarim të pasurisë, shtetasve:

Vangjel Zijaj banues në Fier, dënuar nga autoritetet italiane të drejtësisë, për veprën penale “Trafikim i lëndëve narkotike”;

Ervis Rapo, banues në Kuçovë, dënuar nga autoritetet zvicerane dhe italiane të drejtësisë, për veprën penale “Trafikim i lëndëve narkotike”;

“Këta individë, si subjekt i Ligjit Special, duhet t’u përgjigjen me shkrim, brenda 48 orësh, të gjitha pyetjeve të OFL-së, të cilat do t’i dërgohen SPAK-ut, për veprime të mëtejshme”, thuhet në njoftimin e OFL-së.