LIGJET E BIZNESIT
Mbrëmjen e sotme Mjeku Arjan Harxhi ka deklaruar se në Spitalin Infektiv në QSUT ndodhen vetëm pacientët e prekur nga koronavirusi.
Sipas tij të gjithë pacientët e tjerë që kanë qenë shtruar për sëmundje të tjera infektive janë evakuuar që mbrëmë, pas shënimit të dy rasteve të para të prekur nga koronavirusi.
Megjithatë, ish-kryeministri Sali Berisha në një status më parë është shprehur se në Spitalin Infektiv ka mbi 100 të sëmurë të tjerë që qëndrojnë bashkë me ata që janë të prekur nga koronavirusi.
“Te semuret me Koronavirus i shtrojne ne Spitalin Infektiv ku jane te shtruar mbi 100 te semure me semundje te tjera infektive. Pasi deklaruan dite me pare se kane gati spitalin infektiv me 130 shtreter per rastet me koronavirus, rezulton se keta te semure po shtrohen vertet ne Spitalin e Semundjeve Infektive por ai eshte plot me te semure me semundje te tjera infektive”, shkruante ish-kryeministri Berisha në statusin e tij.
