A rrezikon Shqipëria si Italia? Ministrja tregon 3 skenarët

A rrezikon Shqipëria një skenar si Italia përsa i përket përhapjes së koronavirusit? Është kjo pyetja që i është drejtuar ministres së Shëndetësisë, Ogerta Manastriliu në emisionin Opinion.

Ajo ka deklaruar se ekspertët e komitetit teknik shtetëror kanë përgatitur tre skenarë, por që ata janë të bazuar në probabilitete.

“Skenarët e ekspertëve tanë janë algoritme, janë probablitete por nuk mund të themi 100% që mund të ndodhi kështu. Ne flasim me projeksione, kemi tre skenarë dhe të tre skenarët ku kemi dhe skenarin e pandemisë dhe do mundemi ta përballojmë. Ky sistem dhe këta mjekë e kanë treguar në histori që mund ta përballojnë dhe mund ta përballojmë”, tha ministrja Manastirliu pa dhënë detaje nga skenarët e parashikuara.