LIGJET E BIZNESIT
Të tjera detaje janë zbardhur nga veprimtaritë që ka kryer 28-vjeçari shqiptar që konsiderohet pacienti zero për përhapjen e koronavirusit në vendin tonë. I riu nga Puka mësohet se ka mbërritur në Shqipëri më 26 shkurt, nga Firenze, Itali. Pa patur aspak dijeni për atë që mbartte në trupin e tij, 28-vjeçari me inicialet P.K., ka vijuar veprimtaritë e tij të përditshme, nga ku rrjedhimisht infektoi dhe të atin, 54 vjeç, me inicialet V.K..
Mirëpo, Dosja.al ka mësuar se i riu i infektuar ka marrë pjesë edhe në një ceremoni mortore, përpara se t’i merrej mostra për t’i bërë analizën. Ai ka qenë në ceremoni, ka takuar të gjithë të pranishmit, sipas zakoneve shqiptare dhe i ka ngushëlluar.
Rrjedhimisht, shumë prej tyre mund të jenë infektuar, ndërkohë që nuk është bërë asgjë e ditur në lidhje me karantimin e këtyre personave që kanë qenë të pranishëm në ceremoninë e varrimit. Babë e bir, ndodhen tashmë në spitalin infektiv në QSUT dhe gjendja e tyre është e stabilizuar. Në karantinë janë futur edhe të afërmit e dy personave të infektuar. Kryeministri Edi Rama deklaroi sot se institucionet shkollore do të mbyllen për 2 javë, deri më datën 3 prill. Mbërritja e virusit vdekjeprurës në Shqipëri ka bërë që të anulohen të gjitha aktivitetet, si organizimet për Ditën e Verës, 100-vjetorit të Tiranës dhe koncerti i Malumës. Kryebashkiaku Erion Veliaj u bëri thirrje të gjithë qytetarëve që të shmangin autobuzët, port ë lëvizin me biçikletë apo edhe të ecin në këmbë.
Marrë nga dosja.al
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
