LIGJET E BIZNESIT
Shtohen masat e kontrollit në pikat kufitare pas konfirmimit të dy rasteve të para me koronavirus në Shqipëri.
Në pikën kufitare të Morinit ka rezultuar se njëri prej udhëtarëve është një shtetas nga Hong Kongu.
Prezenca e tij ka frikësuar shumë pasagjerët e autobusit të cilët jashtë kamerave thanë se nuk ishin në dijeni se po udhëtonin me të në të kundërt do kishin zbritur prej autobusit.
‘Vij nga Hong-Kong, Turqia dhe pastaj Maqedonia e Veriut dhe pastaj Shqipëri. Jam nga Hong-Kongu dhe do të rri në Shqipëri tri ditë për të vizituar Beratin.
Ndërkohë që një nga pasagjerët u shpreh:
‘Mos ka ardhur me na shit virusin këtu’.
Shefja e Epidiomologjisë, në Kukës, Denisa Duraku tha për Fax News se janë rritur kontrollet në pikat doganore dhe se deri më tani nuk është konstatuar asnjë rast i dyshuar:
Ofrohet shërbim 24 orë për monitorimin e situatës. Çdo person që vjen nga vendet e prekura është objekt kontrolli dhe bëhet një kontroll për këto persona që vijnë nga harta e kuqe, siç themi ne. Nuk ka pasur asnjë rast të dyshuar. Çdo ditë numri që kalon në këtë pikë kufitare është rreth 4000 persona dhe janë bërë rreth 1000 matje temperature në ditë. Qytetarët, personat që kanë pasur lëvizje në zonat e prekura kërkoj që të bëjnë një vet izolim për një periudhë të paktën 14 ditore. Duhet të marrin masa që kanë lidhje me higjenën./syri.net
