Dy të prekurit babë e bir të cilët janë dhe dy rastet e para me koronavirus në Shqipëri, kanë në pronësi dy biznese, një lokal dhe lavazh në rrugën “Irfan Tomini” në Tiranë.
Kështu, menjëherë pas lajmit se dy pacientët, Viktor dhe Paulin Kola, përkatësisht 54 dhe 28 vjeç, janë të prekur nga koronavirusi, Instituti i Shëndetit Publik ka mbërritur në bizneset e tyre duke dezinfektuar menjëherë ambjentet e brendshme dhe të jashtme.
Ky proces ka zgjatur për disa minuta.
Gjithashtu mësohet se sot janë izoluar edhe 14 personat e tjerë që dyshohet se kanë patur kontakt gjatë këtyre ditëve me të prekurit nga koronavirusi.
