“Koronavirusi tërmet që i ul brekët propagandës” Mjeku ‘shpërthen’ ndaj Ramës: Këto janë masat që ke marrë?

Pas konfirmimit të dy rasteve të prekur nga koronavirusi në Shqipëri, ka ardhur dhe reagimi i mjekut të urgjencës Petrit Vargu.

Ai ka shpërthyer në formë të ashpër kundrejt kryeministrit Edi Rama.

“Të thamë blloko hyrje-daljet me Italinë. Por ti i di të gjitha dhe nuk të dëgjon. Të thamë që ky nuk është sistem karantinë. Por ti i di të gjitha or Zeus. Të thashë që në Han të Hotit nuk ke asnjë doktor dhe asnjë lloj kontrolli. Por ti më akuzoje indirekt për panik. Tani do themi të gjithë: Ky është sistemi shëndetësor që na ke dhënë? Kjo është shëndetësia falas?

Këto janë masat që ke marrë për ndalimin e përhapjes në Shqipëri? Këto janë masat që ke marrë për trajtimin e kësaj sëmundjeje? Kovid-19 nuk është tërmet që mund të bësh propagandë, përkundrazi është tërmet që i ul brekët propagandës”, shkruan mjeku Vargu.