LIGJET E BIZNESIT
Një ngjarje e rëndë ka ndodhur në Durrës, ku mësohet se 3 persona kanë rrëmbyer me forcë në makinë dhe më pas kanë dhunuar një 16-vjeçar me iniciale E.H.
Sipas informacioneve të policisë autorët janë shtetasit F. D. (K.), 32 vjeç, A. P., 35 vjeç dhe A. H., 33 vjeç, të cilët kanë rënë në pranga pak orës pas ngjarjes.
NJOFTIMI ZYRTAR I POLICISE
Arrestohen në flagrancë 3 shtetas, për veprën penale “Heqja e paligjshme e lirisë”. Shërbimet e Komisariatit të Policisë Durrës, në bashkëpunim me specialistët për Hetimin e Krimeve në Komisariatin Durrës, pas informacionit se një shtetas e kishin marrë me dhunë, organizuan punën për identifikimin e kapjen e autorëve dhe gjetjen e personit. Falë reagimit në kohë, veprimeve profesionale dhe punës së mirëorganizuar u bë e mundur zbardhja e ngjarjes, identifikimi, kapja dhe arrestimi i tyre në flagrancë:
- D. (K.), 32 vjeç, banues në Lezhë, i cili ishte i shpallur në kërkim, pasi Gjykata Lezhë e ka dënuar me 1 vit burg, për veprën penale “Futja dhe mbajtja e sendeve të ndaluara në IEVP”; A. P., 35 vjeç dhe A. H., 33 vjeç, banues në Laç.
Këta shtetas, në bashkëpunim me njeri-tjetrin, në lagjen Nr. 16, Durrës, për motive të dobëta, kanë marrë me dhunë shtetasin E. N., 16 vjeç, në mjetin tip “Audi” e më pas e kanë dhunuar fizikisht. Materialet i kaluan Prokurorisë së Rrethit Gjyqësor Durrës, për veprën penale “Heqja e paligjshme e lirisë, kryer në bashkëpunim”.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
