Ditën e sotme ka folur për mediat edhe mjekja përgjegjëse për kontrollet në pikën kufitare të Murriqanit.
Ajo ka deklaruar se 28 vjeçari që erdhi nga Italia për në vendin tonë, i cili shënoi dhe rastin e parë me koronavirus në Shqipëri, nuk u kontrollua në momentin që kaloi zonën e doganës.
Gjithashtu mjekja sqaron se atë ditë që i riu ka hyrë në Shqipëri, kanë qenë në shërbim tre mjeke mirëpo ai nuk i është nënshtruar kontrolleve.
Kjo ka ndodhur sepse 28 vjeçari nuk vinte nga “zona e kuqe” në Itali por nga Firence.
INTERVISTA
MJEKJA: Ne në pikën kufitare kemi përgjegjësinë tonë për të monitoruar situatën. Në pikën kufitare nuk kanë munguar pajisjet mbrojtëse për personelin.
PYETJE: Rasti me koronavirus?
MJEKJA: Ka pasur kontrolle, mund ta verifikoni në drejtori. Ne kemi kohë që bëjmë kontrolle. Ka qënë tre punonjëse kur ky person ka kaluar.
PYETJE: Nuk ka pasur shenja?
MJEKJA: Mund të kalojnë, mund të jetë në ditët e para të sëmundjes. Personi ka qenë pa shenja. Ndaj këtij personi nuk është bërë kontroll. 28-vjeçari erdhi nga Fierence dhe jo nga zona e kuqe.
